اسئله مالهاش اي لازمه في الدنيا ......حاجه تشل

في اسئله بديهيه مالهاش اي لازمه في الدنيا

بنتعرض ليها كل يوم من كل الناس خلـونـــا نشــوف أمثلة

أنت في أوضتك .. على السرير وطافي النور ومتغطي ..... يجي أخوك الظريف ويفتح الباب عليك ويقول : ايه ياده انت هتنام ولا ايه ؟ (( أظن ده مش وضع الرقص !!! واضح ان انا هنام))
أنتم معزومين عند ناس ورحتو لبيتهم وأول ما فتحولكوا الباب يقول ابنهم الصغير " انتوا جيتــواااااااااااااااا (( لا لسه ))

والعكس : أنت لابس هدومك و متأنتك و على سنجه عشره وريحة البارفان واصله لاخر الشارع .. وخلاص بتفتح باب الشقه,, يجي حد من أهلك وينادي بصوت عالي : انت خااااارج ولا اييييييييييه (( !!! لاء دانا لسه راجع ))

أو مثلا راكب العربيه ودورتها وخلاص هتطلع ... يجيلك لك البواب ويخبطلك على الزجاج,, أنت بكل ذوق تفتح الزجاج وتقوله : خير في حاجه؟ يقولك : انت رايح الشغل يابيه ؟ (( لا العربيه واحشاني ))

مثلا ماسك سماعه التلفون وقاعد تضغط الارقام يجي حد من أهلك ويقولك : انت هتتكلم في التليفون ؟ (( لا أبتفرج عليه ,, أكيد بتكلم ))

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك :هاه قاعد تذاكر ؟ (( تقوم رامي الكتاب و تقوله لااااااااء ))

ربنا هاديك كده ... ماسك سبحه و عمال تسبح ، يجي حد من البيت يعدي عليك ويقول :هوه انت بتسبح (( لاء هفرطها و أسلقها ))

ولا تعالــو شوفو قنواتنا واسئلتهم البديهيه البايخه برنامج اهداءات يتصل واحد يطلب أغنيه ترد عليه ست الكوتكوته (المذيعه) بكل خفه ورشاقه : أنتا بتحب الاغنيّة ديه ولا ايه ؟ (( لاء طالبها اخنق على نفسي))

أو مثلا في العيد المذيع : هههههه هههههههه هههههه نتعرف بيك االمواطن : فلان الفلاني المذيع :هههههه هههههه هههههه بتقول ايه للأهل ههه و صحابك ههه و قرابيك هههه و للناس اللي انت مخاصمهم كمان ؟ هههههه هههههه ههههههه المواطن : أقولهم كل عام وأنتم بخير .... (( أكيد يعني مش هيقولهم البقاء لله ))

و المذيعه الرخمه : وياترى بقى هتعملوا ايه العيد ده هتقضوه ازاي ؟ اكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيد عليهم و نقولهم كل سنه و انتوا طيبين (( سبتيله ايه يقوله يارخمه ))

والأسخف بقى ... الشلل الكبير.. لما المذيعين يكلموا الاطفال يقول المذيع للطفل : أنت تحب ماما وبابا !!! (( يعني اساسي الواد لسه صغير وما يعرفش غيرهوم علشان يقول لأ ))

و كفايه كده عليكواااااا

علشان انا اتشليت

هيا حاجة تشل فعلا بس الاسئلة دى لو مسئلتش فى مصر تسئل فين ؟

تسلم ايدك

تسلم ايدك يا جميل والله حلوه

تسلم يا ميدو ويا adham
علي الرد

واوعوا تكونا بتسالوا الاسئله ديه ازعل منكوا

يااااااااااى دى اساله فعلا تخنق
والله انا كتير فى البيت بيعملوا كده
تسلم ايدك يا قمر

ههههههههههههههه لاعيب عليك
انا بتشل زيك بلظبط وكتير اووى والله لما بتخنق

تسلم ايدك على التوبيك يا معلم

ههههههههههه
جامدة و الله
تسلم ايدك