أشعار على سلامة

كـــــــــــــــتاب الــــــــــقــــــــرأة


بمنتهى البرائة سألتنى بنتى بنتى نور ف أربع خمس أمور

مش كتاب القرأة قالتلى بابا بابا مش انت يابابا بتكتب أغانى وتقول أشعار
انا سمعت الشيخ يابابا بيقول أنك يابابا هتروح النار زى الوحشيين يابابا الحراميين الكفار
قولى يابابا يعنى ايه أستعمار
يعنى ايه نيل
يعنى ايه هرم
ومين اللى حط النسر فوق العلم
يعنى ايه يابابا استفتاء-ويعنى ايه انتخاب-ويعنى ايه حر-ويعنى ايه نصاب-يعنى ايه اختلاس-
ويعنى ايه هجاص-ويعنى ايه خصخصة-يعنى ايه يابابا دستور-يعنى ايه معارضة-ويعنى ايه مظاهرة
وليه النهاردة خدنا أجازة م المدرسة قولى يابابا يعنى ايه قهر-وفين خط الفقر-يعنى ايه حظ-ويعنى ايه زهر
يعنى ايه يابابا حربة ويعنى ايه انسان-ويعنى ايه سرطان يعنى ايه يابابا خربوها وكنت فين لما خربوها ومين
دول يابابا ولاد القطقوطة-ومين دى سمارة يابابا وازاى يابابا ضاعت من قلبك- يابابا انت معايا فيه يابابا ناس
بتقول كفاية وفيه كمان عساكر ماسكين عصاية وبنات متعورين وتانين ماشيين بيضحكوا هما دول أسرائيل يابابا
ويعنى ايه ويعنى ايه ...... قولتلها نور ممكن أسألك سؤال قالتلى أتفضل يابابا قولتلها هيه قناة سبيس تون رقم
كام وخدتها عشان تنام.




2-خـــــــــــايف أصــــــــــحى مالاقـــــــيش مـــــــــــصر


ساعات بقلق بليل يعنى بليل شوية كدة قبل الفجر


حسب الظروف كدة بعد العصر

خايف يوم أصحى..وأفتح الشباك..مالاقيش مصر

ألاقيها لمت هدومها ومشيت

لمت هدومها على نيلها على هرمها وطفشت

وحلفت ميت يمين ماهى قاعدلنا ماهى زهقت تعبت

أتخنقت أصلنا زودناها أكننا استعمرناها ورثناها

مصر البنوتة الحلوة اللى زى القمر

بقت عجوزة وشايبة وبان عليها الكبر

خايف يوم أصحى..

وأفتح الشباك...

مالاقيش مصر.



يارب تكون أشعار على سلامة عجبتكوا وانتظروا المزيد ان شاء الله.

100/100

ميرسى ياsky_fox ياعسل على مرورك وردك نورتنى

توبك هايل يا اية

تسلم ايدك

ميرسى ياميدو على ردك ومرورك ويارب يكون عجبكوا