الف باء فى عالم روميو

اولا : بلاش تصدق اي حد يقولك ان البنت بتحب الولد العاقل لان الراجل العاقل تعجب بية بس لكن مايخطفش قلبها ولو حبيت تعمل عاقل اعمل بس بمسكنة شوية قال يعني انك المعذب في الدنيا وان الدنيا هي الي خليتك تستخدم عقلك وتموت عواطفك يعني خليك حريك كدة وحسيسها انك محتاجلها

ثانيا : البت بتحب الواد الرومانسي يعني الي يضحك عليها يعني اهريها كلام حب وياريت تمسك ايدها وتقولها انتي رجعتيلي حياتي اوعي تبعدي عني عشان حياتى بتزعل ....يعني تعملها قيس كدة وهو جي علي الحمار المكسح

ثالثا : البنت بيانب ضمرها اوي الواد الي واخد بومبة يعني متفرقع من واحدة تانية يعني يا ريت ترسم عليها الدور كويس وتقولها انها عملت وعملت الي انت كنت بتحبها قبليها وانها سابيتك في عز احتياجك ليها ودمعلها وتقولها ارجوكي مش عايز افتكر حاجة انتي عارفة يعني اية كرامة الراجل لازم تنزل دموع التماسيح كويس اوي وبعدين يا اخى اشتريلك تمساح ودمع مش هتغلب .......... حسيسها انك محتجلها ومتخفش هي زي الهابلة هتقع وهتصدق

رابعا : البنت بتحب الواد الاستيل والعضلات......... وطبعا انت الاستيل ممكن تتصرف فيها وتستلف لبس اي حد لكن المشكلة في موضوع العضلات انت ممكن تلبس هدوم كتير علي بعض او حل تاني تقولها انك كنت عضلات زمان لكن من ساعة الي حصلك من البنت الي فاتيت وانت بتاكل في نفسك ومعلش انك هتحاول تاكل كويس وتلعب تنس طاوله او بلياردو اى حاجه من اللى بتطلع حاجات فى الايد دى

خامسا : البت بتحب الواد ابو دم خفيف يعني بلاش تكون نكدي معها .....هتلاقيه شلوت بالشنطه فى وشك وسيباك على طول

سادسا : البت بتحب الواد الجد في شغلة اوي يا سلام ترسملها الدور كدة كويس اوي انك زويل في مجالك وانك بتعمل شغل ماحصلش وتحسيسها بالذنب بانك بتضحي بوقتك علشان تكون معاها .......... طبعا لازم تكون ناصح علشان تكلم غيرها في الوقت تاني ويا سلام بقا يا واد لوتحكيلها قد اية انت بتقاسي وانك مستحمل العذاب علشان عش العصفور

سابعا : البت بتحب الواد الي يحسيسها بجملها وقد اية هي طيبة وغلبانة وذكية وتحسيسها انها هتفضل جواك علي طول في كل لحظة رغم ان في كتير هيموتوا عليك ولازم تخوفها كتير انك ممكن تضيع بسبب غيرها وانك نفسك انها تكون اخر واحدة في حياتك زي ما انت حاسيس انها الاولي حاليا يعني بالعربي حسيسها انها الاميرة الحافية

ثامنا : اتمحك فيها كل شوية تكلمها وتحسيسها انها في بالك علي طول .......يعني اول ما تصحة من النوم اتصل بيها او ابعتلها رسالة ولما تفطر ولما تتغدي ولما تتعشا كدة يعني ويا سلام لو هي بتشتغل اقرفها كل شوية وكلمها وقولها انك قلان عليها وانك مش بتستريح غير لما تكون في البيت......... قولها وحشتيني موت وانك نفسك تكون معاك في كل لحظة يعني خليها كدة تحس ان ما فيش حد بيحبها في الدنيا دية قدك

تاسعا : حسيسها انك واد بس اة ست بيت فى نفس ذات الوقت بتعرف تعمل كل حاجة وهتساعدها في بيتكم......... بالعربي كدة عرفها انك هتشارك معاها في كل حاجة قولها يا حياتي دة انا نفسي اخليكي اميرة تقعدي كدة والناس كلهم يخدموكي دة انا يا كرومبه(مراتك يعنى) اخدمك برموش عنيا حتي لو رموشك وقعة عرفها يعني انك راجل بمعني الكلمة يعني كدة تكون سبع رجالة في كرتونة واحدة

عاشرا: بالرغم من انك راجل شرقي قولها انك بتامن بحرية المراءة وان المراءة تلبس الي هي عايزة بس في حدود الادب وانك عايزها تلبس كل الحلو ليك بس في بيتكم ....يعني حسيسها انك بتفهم في الزوق ولو ما تعرفهوش هات كتاب الحياة ........عرفها انك واد حمش....شيرز اوى وقوى الشكيمة

الحادي عشر: حسيسها انك راجل مخك كبير اوي وانك هتستحملها في وقت غضبها رغم انك عصبي ودية علشان تعرفها قد اية انك بتحبها وعرفها انك هتقف جنبها في كل مشكلها .........ولما تحصل مشكلة يبقي اتلككلها علي اي حاجة وطلقها خليك ايزى يا مان

الثاني عشر: عرفها انك مش بتحب اي حد يكلمها غيرك وانكم زي بعض في كل حاجة حتي من كتر حبك ليها انت بقيت شكلها ........قال يعني هي مسيطرة عليك

الثالث عشر: قولها ان مافيش حد هياخد مكانك وانك مهما تعملي هفضل احبك بالرغم ان دية مش مبادئك بس سبحان اللة انت مستعد تتنازل عن اي حد في الدنيا الا انتي........... عرفها انك عندك مبادئ وانك متمسك بيها

ملاحظة:
لو البنت وقعت فيك وماتت في دبابيبك فتحها في موضوع الارتباط واشرحلها ظروفك الي زي الزفت وانها هتتعب بس في الاول ........بس هتشوف حياة تانية خالص بعد الجواز وانك حبك هيكبر ليها بعد الجواز خليها تحلم بالجنة الي عمرها ماهتشفها واعمل انك نفسك انها تكمل معاك للنهاية وانك خايف لمتستحملش معاك المشوار يعني اتقل عليها شوية وحسيسها انك خايف منها .....امال خليها هي الي تقرب وانت افضل مكانك بس مش كتير اوي احسن تزهق ويبقى مصير وشك نفس الشلوت

لو البنت عملت عبيطة ومش واخدة بالها منك افهم انها مقطعة السمكة وديلها وانها سمعت الكلام دة كتير قبل كدة والحق اجرى يا معلم

تسلم ايدك يا حماده عن جد

نورت يا ادهم

تمام كلامك كلو حكم اصلي

نورت يا حبى

تسلم ايدك يا حماده

تمام يا خربها

نورت يا واد يا ميدو يا جامد

نورتى يا حبيبت قلبى يا كيوووت هانم

موضوع جميل اووووووووى
تسلم ايدك ياحماده

الف باء فى عالم روميو Mallikasherawatemraanhozf4

نورتى التوبيك يا قمر